ԱՄՆ-ի առևտրի նախարարը Սիրիային հրթիռահարվածը համարել է «զվարճանք ընթրիքից հետո»
ԱՄՆ-ի առեւտրի նախարար Ուիլբուր Ռոսը Սիրիայի օդաթռիչքարանին հասցված հրթիռահարվածը համարել է ԱՄՆ-ի նախագահ Դոնալդ Թրամփին եւ ՉԺՀ-ի նախագահ Սի Ցզինպինին մատուցված «զվարճանքը ընթրիքից հետո», որը կայացել է ապրիլի 7-ին Ֆլորիդայի «Մար ա Լագո» կալվածքում։
Մայիսի 1-ին Լոս Անջելեսում (Կալիֆոռնիայի նահանգ) ելույթ ունենալով Մայքլ Միլքենի տնտեսագիտական ինստիտուտի միջազգային խորհրդաժողովում՝ գերատեսչության ղեկավարը նաեւ ասել է, որ այդ «զվարճանքի» համար Թրամփը «նույնիսկ ստիպված չի եղել վճարել»:
«Այն բանից հետո, երբ մատուցել են աղանդերը, նախագահն ասել է պարոն Սիին (Ցզինպինին), որ ինքը պետք է մի բան պատմի նրան, այն է՝ 59 հրթիռների արձակումը Սիրիայի վրա»,-ասել է Ռոսը, որի խոսքը մեջբերում է Variety հանդեսը:
«Դա եղել է ընթրիքից հետո զվարճանքի փոխարեն», հավելել է նա: Այն բանից հետո, երբ բազմությունը ծիծաղել է, նախարարը հավելել է. «Բանն այն է, որ նախագահի համար ոչ մի դժվարություն չի ներկայացրել կազմակերպելու այդ զվարճանքը»,-հաղորդել է ՏԱՍՍ-ը:
