Որդուս նվիրեցի ազգիս. հերոսի հայր
Tsayg.am. Դասարան՝ Տավուշի մարզում զոհված Շավարշ Մելիքյանի անվամբ: Աշոցքի դպրոցի ռազմագիտության դասարանի անվանակոչումը Շավարշ Մելիքյանի անունով մեկ նպատակ ուներ` երեխաների մեջ սերմանել հայրենասիրություն: 26-ամյա ավագ լեյտենանտ Շավարշ Մելիքյանը դեռ մանկուց սիրել է զինվորական գործն ու երազել ծառայել հայրենիքին: Դպրոցն ավարտելուն պես ընդունվել է Վազգեն Սարգսյանի անվան ռազմական ինստիտուտ, 2011 թվականին ինստիտուտն ավարտելուց հետո, ծառայության է անցել Գորիսում:
