Ծառուկյանի վերադարձը չի ազդելու «Հայկական վերածնունդ» կուսակցության ձայների վրա
Գագիկ Ծառուկյանի վերադարձը չի կարող ազդել «Հայկական վերածնունդ» կուսակցության ձայների վրա: Այս մասին այսօր լրագրողների հետ զրույցում հայտարարեց ԱԺ ՕԵԿ խմբակցության քարտուղար Մհեր Շահգելդյանը:
«Դա Գագիկ Ծառուկյանի որոշումն է, տեսակետն է: Որպես քաղաքական գործիչ՝ նա ինքն է որոշումներ ընդունում՝ հաշվի առնելով իր անցած ճանապարհը, նպատակներն ու խնդիրները: Մենք աշխատում ենք եւ ունենք մեր ձայները: «Հայկական վերածնունդ» կուսակցություն նոր մարդիկ են գալիս՝ ավելացնելով մեր ձայները եւ հնարավորությունները: Սրանք իրար հետ կապ չունեցող բաներ են»,-ասաց նա:
