Էլ-Բաբում թուրքական ավիահարվածների հետևանքով խաղաղ բնակիչներ են զոհվել
Սիրիայի Էլ-Բաբ քաղաքի հարևանությամբ հասցված ավիահարվածների ու հրետանային գնդակոծությունների հետևանքով սպանվել է 10 քաղաքացիական անձ, այդ թվում՝ երեխա։ Այս մասին հայտնում է AFP գործակալությունը՝ վկայակոչելով մարդու իրավունքների հարցերով դիտորդական կենտրոնին։
«10 քաղաքացիական անձ, այդ թվում՝ երեխա է սպանվել թուրքական օդային հարվածների ու հրետակոծության հետևանքով սիրիական քաղաքի հարևանությամբ»,- ասվում է հաղորդագրության մեջ։
Ռմբակոծվել են Էլ-Բաբն ու դրան սահմանակից Տադիֆ շրջանը։
Թուրքիայի ԶՈՒ գլխավոր շտաբը հայտարարել է, որ հաջող ռազմական գործողության հետևանքով ոչնչացվել է ԴԱԻՇ-ի 22 զինյալ։
