ԴԱԻՇ-ի զինյալները Մոսուլում այրում են նավթահորերն ու նավթի պահեստները
ԴԱԻՇ-ի զինյալներն այրում են Մոսուլի մերձակայքում նավթի պահեստները ու այրում են նավթահորերը։ Տեսանյութը դեպքի վայրից հրապարակել է ֆրանսիական BFMTV հեռուստաալիքը։
Լրագրողների խոսքով՝ գետնի տակից դուրս են հորդում կրակի մեծ լեզվակներ, իսկ սև ծուխը պատում է Մոսուլը։ Քաղաքում գտնվում են մի քանի տասնյակ խաղաղ բնակիչներ, որոնք չունեն պաշտպանության անհրաժեշտ միջոցներ։
«Ծուխը շնչելը բացասաբար է ազդում քաղաքացիների, հատկապես երեխաների առողջության վրա»,- ասվում է հաղորդագրության մեջ։
Փրկարարները փորձում են հանգցնել կրակը, սակայն չունեն անհրաժեշտ տեխնիկա։
