Սիրիայի հարցով ժնևյան բանակցությունները տեղափոխվել են փետրվարի վերջ
Ժնևում սիրիական հարցով բանակցությունները փետրվարի 8-ից տեղափոխվել են այդ ամսվա վերջ, հայտարարել է Ռուսաստանի արտգործնախարար Սերգեյ Լավրովը Սիրիայի ընդդիմության ներկայացուցիչների հետ հանդիպմանը։ Այս մասին հայտնում է lenta.ru-ն։
ՌԴ ԱԳՆ ղեկավարը նաև նշել է, որ Սիրիայի հարցով հանդիպմանը Աստանայում «հստակ հայտարարվել է, որ քաղաքական կարգավորումը առաջ մղելու ջանքերը, որոնք ձեռնարկվում են Աստանայի հարթակում, իրենց ավանդն են ունենալու ՄԱԿ-ում Ժնևի հովանու ներքո անցկացվող բանակցությունների հարցում»։
Աստանայում հունվարի 23-24-ը կայացել են Սիրիայի զինված ընդդիմության և Սիրիայի կառավարության պատվիրակությունների բանակցությունները։
