Իտալիայում ձնահյուսի տակ մնացած հյուրանոցի զոհերի թիվը հասել է 14-ի

Իտալացի փրկարարները երկրի Ֆարինդոլա քաղաքում ձնահյուսից տուժած Rigopiano հյուրանոցից դուրս են բերել մի քանի մարմին։ Այսկերպ զոհերի թիվը հասել է 14-ի, հայտնում է Reuters-ը։
Ավելի վաղ հաղորդվել էր 12 զոհի մասին, 11 մարդ փրկվել էր։

Rigopiano հյուրանոցը գտնվում է Աբրուցցո շրջանում։ Հյուրանոցը ոչնչացվել էր հունվարի 18-ին ձնահյուսի հետևանքով։

Հաղորդվում է, որ հյուրանոցում այդ պահին գտնվել է 35 մարդ՝ զբոսաշրջիկներ ու անձնակազմը։

Հիշեցնենք, որ նախօրեին Լացիո, Մարկե և Աբրուցցո մարզերում տեղի էին ունեցել 4 ուժեղ երկրաշարժեր։ Դրանք զգացվել էին նաև Հռոմի կենտրոնական հատվածներում։