Թուրքիան վավերացրել է Ադրբեջանի հետ տեխնիկական համագործակցության մասին արձանագրությունը
Թուրքիայի կառավարությունը վավերացրել է Ադրբեջանի հետ տեխնիկական համագործակցության մասին արձանագրությունը, հայտնում է թուրքական Resmi Gazete («Պաշտոնական թերթ») կայքը։
Տվյալ արձանագրությունը ստորագրվել է Թուրքիա-Ադրբեջան բարձր մակարդակի ռազմավարական խորհրդի 5-րդ նիստի ընթացքում։
Արձանագրությունը նախատեսում է սոցիալ-տնտեսական հարաբերությունների զարգացում և կապերի խորացում Թուրքիայի և Ադրբեջանի միջև տեխնիկական համագործակցության միջոցով։
Արձանագրությունը նախատեսում է նաև տեխնիկական օգնության նախապատրաստում, կրթական ծրագրերի իրականացում։
Այն ստորագրվել է 5 տարի ժամկետով՝ նույնքան ժամկետով երկարաձգման իրավունքով։
