«Ինձ առաջարկել են գլխավորել «Վալենսիան», բայց ես ինձ լավ եմ զգում Չինաստանում». Լուիս Ֆելիպե Սկոլարի

Ասիական փողերը հրաշքներ են գործում:

Չինական «Գուանչժոու Էվերգրադի» գլխավոր մարզիչ Լուիս Ֆելիպե Սկոլարին խոստովանել է, որ հրաժարվել է գլխավորել «Վալենսիան»:

«Ես Եվրոպա վերադառնալու առաջարկ եմ ստացել իսպանական ակումբից: Եթե ավելի ճիշտ ասեմ, ես մի քանի անգամ իմ լավ ընկերոջ՝ Փիթեր Լիմի հետ շփվել եմ աշխատանքի վերաբերյալ:

«Վալենսիայի» նման ակումբ ղեկավարելը կնշանակեր՝ կորցնել հանգստությունը և փոխել կյանքը: Այդ իսկ պատճառով, հիմա ես մնում եմ «Գուանչժոուում» և շարունակում եմ աշխատանքս: Ես դեռ մեկ տարվա պայմանագիր ունեմ Չինաստանում, որտեղ ինձ ամեն ինչ դուր է գալիս»,- Սկոլարիի խոսքերն է մեջբերում Marca-ն:

2016թ. դեկտեմբերի վերջին «Վալենսիայից» հեռացավ Չեզարե Պրանդելին, ով իսպանական ակումբում աշխատել էր ընդամենը 3 ամիս:

Սկոլարին «Գուանչժոու Էվերգրադը» գլխավորում է 2015թ. հունիսից:

Պատրաստեց Անի Գաբուզյանը