Դե Միստուրան առանձին խորհրդատվություններ կանցկացնի Սիրիայի կառավարության և ընդդիմության հետ. աղբյուր

Սիրիայի հարցով ՄԱԿ-ի գլխավոր քարտուղարի հատուկ դեսպանորդ Ստաֆան դե Միստուրան առանձին խորհրդատվություններ կանցկացնի Սիրիայի կառավարության և ընդդիմության պատվիրակությունների հետ Աստանայի ոչ ուղղակի բանակցությունների շրջանակում։ Այս մասին TASS-ին հայտնել է խորհրդատվությունների ընթացքից քաջատեղյակ աղբյուրը։

Աղբյուրի տեղեկություններով՝ նախ՝ տեղի կունենա դե Միստուրայի հանդիպումը Սիրիայի կառավարության պատվիրակության հետ։

Սիրիայի ընդդիմության պատվիրակությունը ժամանել է Rixos հյուրանոց, որտեղ բանակցություններ են ընթանում։ Մնացած կողմերի ներկայացուցիչները ավելի վաղ էին հավաքվել՝ նախապատրաստական աշխատանքների նպատակով։