ԱՄՆ-ում հանդես են եկել ՌԴ-ի դեմ պատժամիջոցները պահպանելու օգտին
ԱՄՆ ֆինանսների նախարարի պաշտոնի թեկնածու Սթիվեն Մնուչինը հաստատել է, որ կապահովի Ռուսաստանի և Իրանի դեմ գործող պատժամիջոցների պահպանումը, հայտնում է Bloomberg-ը։
«Կապահովեմ Ռուսաստանի և Իրանի նկատմամբ գոյություն ունեցող պատժամիջոցների իրականացումը», ընդգծել է նա։
Ավելի վաղ Մնուչինը հայտարարել էր, թե կաջակցի Ռուսաստանի դեմ գոյություն ունեցող պատժամիջոցների երկարաձգմանը, սակայն չէր բացառել դրանց թուլացումը Մոսկվայի հետ «լավագույն գործարքի» կնքման պարագայում։
Ավելի վաղ ԱՄՆ նախագահ Դոնալդ Թրամփը The Times-ին տված հարցազրույցում հայտարարել էր, թե Ռուսաստանի նկատմամբ պատժամիջոցների չեղարկման հնարավոր կլինի հասնել, եթե Ռուսաստանը կրճատի իր միջուկային զենքը։
