Սենատը հաստատել է ԱՄՆ պետքարտուղարի պաշտոնում Թիլերսոնի թեկնածությունը

ԱՄՆ Սենատի արտասահմանյան հարցերով կոմիտեն հավանության է արժանացրել ԱՄՆ պետքարտուղարի պաշտոնում Ռեքս Թիլերսոնի թեկնածությանը, հայտնում է ВВС-ն։

Ավելի վաղ հանրապետական ազդեցիկ սենատորներ Ջոն Մակքեյնը, Լինդսի Գրեմն ու Մարկո Ռուբիոն հայտարարել էին, որ կաջակցեն գործարարին, թեև անհանգստացած են Ռուսաստանի հետ նրա կապերի առնչությամբ։

Ռեքս Թիլերսոնը 64 տարեկան է։ Նա ավարտել է Օսթինի Տեխասի համալսարանը։ Մոտ 4 տասնամյակ աշխատել է ExxonMobil-ում՝ իր կարիերան սկսելով որպես ինժեներ։ Նա ExxonMobil-ը ղեկավարում է 2006 թվականից։