Քեմբրիջում մտածում են ֆեյքերի դեմ «պատվաստանյութ» ստեղծելու մասին
Համացանցում կեղծ նորությունների լայն տարածումը գրավել է գիտնականների ուշադրությունը: Քեմբրիջի համալսարանի մասնագետները մտածում են համացանցում կեղծ նորությունների դեմ յուրատեսակ պատվաստանյութ ստեղծելու մասին, տեղեկացնում է BBC-ն:
Գիտնականները կարծում են, որ տարբեր կառույցներ կարող են պայքարել իրենց գործունեության մասին մարդկանց ապատեղեկացնելու փորձերի դեմ՝ ինքնուրույն հրապարակելով ապատեղեկատվություն. բայց ոչ մեծ քանակներով և անհապաղ մերկացմամբ: Գիտնականների կարծիքով՝ դա օգնում է բարձրացնելու ռեցիպիենտների զգոնությունը և նրանց պակաս հակված է դարձնում գայթակղիչ վերնագրերով կեղծ նորությունների նկատմամբ: Այս մեթոդի արդյունավետությունն առայժմ հաստատված է միայն մեկ գիտափորձով:
Դրա շրջանակներում 2 հազար ամերիկացիների երկու կարծիք են ներկայացրել գլոբալ տաքացման վերաբերյալ, որոնցից մեկը հիմնվել է գիտական փաստերի վրա, իսկ երկրորդն, որն իբր հերքում է դրանք, չի հիմնվել ընդհանրապես ոչ մի բանի վրա: Մեծավ մասամբ գիտափորձի մասնակիցներն ապատեղեկատվությունն ընդունել են ճշմարտության տեղ: Բայց դյուրահավատ ընթերցողների թիվը կտրուկ նվազել է, երբ առաջին՝ ճշմարիտ հաղորդագրության հետ մեկտեղ նրանք ստացել են նախազգուշացում իրենց ապատեղեկացնելու հնարավոր փորձի մասին:
