Կոռուպցիոն սկանդալում ներգրավված ադրբեջանցի պատգամավորները չեն մասնակցի ԵԽԽՎ ձմեռային նստաշրջանին
Եվրոպայի խորհրդի խորհրդարանական վեհաժողովի ձմեռային նստաշրջանը մեկնարկելու է հունվարի 23-ին, որին մասնակցելու են նաև Ադրբեջանի ներկայացուցիչները:
Այս մասին հայտնում է ադրբեջանական azadliq.org-ը:
ԵԽԽՎ ձմեռային նստաշրջանին մասնակցող Ադրբեջանի խորհրդարանական պատվիրակության կազմում չեն ընդգրկվել ԵԽԽՎ պատգամավորների, մասնավորապես Լուկա Վոլոնտեի հետ կոռուպցիոն գործարք իրականացնելու մեջ մեղադրվող ադրբեջանցի պատգամավորներ Էլհան Սուլեյմանովը և Մուսլում Մամմեդովը:
Ադրբեջանցի պատգամավորների և ԵԽԽՎ պատգամավորների կոռուպցիոն սկանդալի վերաբերյալ գործը ներկայումս գտնվում է Իտալիայի դատախազության վարույթում:
ԵԽԽՎ ձմեռային ստաշրջանի օրակարգում ընդգրկված են Թուրքիայի և Ուկրաինայի ժողովրդավարական ինստիտուտների գործունեության, սիրիական ճգնաժամի, լրագրողների ճնշման, առցանց ԶԼՄ-ների ազատության, Եվրոպայում մամուլի ազատության վերաբերյալ մի շարք հարցեր
