«Յուրաքանչյուր մարդ, որ ունի իշխանություն և չի ուզում բաժանվել այդ իշխանությունից, և նա հարստանում է այդ իշխանության միջոցով». Հայկ Մարության
«Ելքն» այն դաշինքներից է, որը կարող է Ազգային ժողովում չեզոքացնել միակողմանի, ոչ ազգանպաստ որոշումները։ Նման տեսակետ այսօր «Ելք» դաշինքի համաժողովից հետո լրագրողների հետ զրույցում հայտնեց հայտնի դերասան Հայկ Մարությանը։
«Ես կողմնակից եմ բալանսավորված Ազգային ժողովի, որը կտանի մեր հանրապետությունն առաջ»,- ասաց նա։
Ըստ Մարությանի՝ իշխանությունը կփորձի խանգարել ընդդիմադիրներին. «Յուրաքանչյուր մարդ, որ ունի իշխանություն և չի ուզում բաժանվել այդ իշխանությունից, և նա հարստանում է այդ իշխանության միջոցով, բնականաբար, նա չի ուզում էլ չհարստանալ, կամ իր որոշումների համար ինչ-որ մեկի հետ էլ ստիպված լինել համագործակցել։ Բայց ժողովրդի գիտակցությունը հենց դրա համար է, որ հասկանա, որ ԱԺ-ն պետք է լինի բալանսավորված, և մեր փրկությունը դրա մեջ է»։
Հ.Մարությանը նշեց, որ ինքը կուսակցական չէ, ընտրություններին դիտորդ է լինելու։
Մանրամասները՝ տեսանյութում:
