Հղի կնոջը տեղափոխող ավտոմեքենան խափանվել է Աղեգ գյուղի մոտ
Հունվարի 21-ին, ժամը 04.05-ին տեղեկություն է ստացվել, որ Լոռու մարզի Կարմիր Աղեգ գյուղի մոտակայքում «Mitsubishi Grandis» մակնիշի ավտոմեքենայի մարտկոցը լիցքաթափվել է, հնարավոր չէ գործարկել շարժիչը, մեքենայում գտնվում է հղի կին. անհրաժեշտ է փրկարարների օգնությունը:
Դեպքի վայր է մեկնել հրշեջ-փրկարարական ջոկատի օպերատիվ խումբը:
Պարզվել է, որ Հ-33 ավտոճանապարհի Օձուն-Ստեփանավան հատվածի 11-րդ կմ-ին ճամփեզրին կայանված է «Mitsubishi Grandis» մակնիշի 6708 տրանզիտ պետհամարանիշով (վարորդ՝ 1977 թ. ծնված Կ. Հ.) ավտոմեքենան:
Փրկարարները գործի են գցել ավտոմեքենայի շարժիչը:
