Արտաշավան գյուղի մոտ ավտոմեքենա է արգելափակվել
Հունվարի 20-ին, ժամը 23.31-ին տեղեկություն է ստացվել, որ Արագածոտնի մարզի Արտաշավան գյուղի խաչի մոտակայքում «BMW» մակնիշի ավտոմեքենան արգելափակվել է ձյան մեջ. անհրաժեշտ է փրկարարների օգնությունը:
Դեպքի վայր է մեկնել մարզային փրկարարական վարչության օպերատիվ խումբը:
Փրկարարներն արգելափակումից դուրս են բերել «BMW 525» մակնիշի 35 JJ 968 (վարորդ՝ Կ. Ս.) և «Opel Astra G » մակնիշի 35 CA 662 (վարորդ՝ Լ. Ա.) պետհամարանիշերով ավտոմեքենաները (4 ուղևոր):
