Որն է արյան բարձր ճնշման անսպասելի առավելությունը. գիտնականներ
Ամերիկացի գիտնականները ցույց են տվել, որ զառամյալ հասակում արյան բարձր ճնշումը կապված Է ծերունական տկարամտության զարգացման ցածր ռիսկի հետ: Այս ուսումնասիրությունը հրապարակել է «Alzheimer՚s & Dementia. The Journal of the Alzheimer՚s Association»-ում, դրա մասին համառոտ պատմել է EurekAlert!-ը:
Բժիշկները կապ են հայտնաբերել արյան բարձր ճնշման, հատկապես եթե այն ի հայտ է եկել 80 եւ ավելի բարձր տարիքում, եւ 90 տարեկանից հետո տկարամտության հայտնվելու ռիսկի նվազման միջեւ: Իրենց եզրակացություններին գիտնականները եկել են՝ դիտարկելով 559 մարդու, որոնցից յուրաքանչյուրը եղել է 90-ից բարձր տարիքի: Հետազոտության ընթացքում դրա մասնակիցների մոտավորապես 40 տոկոսի մոտ (224 մարդ) ախտորոշվել էր տկարամտություն:
Մինչդեռ այս ախտորոշմամբ մարդկանց թիվն ավելի փոքր էր նրանց թվում, ում մոտ 80-89 տարեկանում սկսել էին դիտվել արյան բարձր ճնշման դեպքեր:
Այն տարեցների համեմատությամբ, որոնց մոտ չի գրանցվել այս առանձնահատկությունը, այս մարդկանց մոտ միջին հաշով 42 տոկոսով քիչ է զարգացել տկարամտությունը:
