Ստամբուլում կրակել են ոստիկանական շենքի վրա

Ստամբուլում հարձակվել են Վաթան փողոցում գտնվող ոստիկանական բաժանմունքի շենքի վրա: Այս մասին հայտնում է թուրքական haberler.com-­ը:

Հանցագործները ոստիկանության շենքի ուղղությամբ կրակ են արձակել նռնականետից: Նախնական վարկածի համաձայն հարձակումը իրականացվել է ահաբեկիչների կողմից:

Ինչպես հայտնել են դեպքի վայրից, հարձակման հետևանքով զոհեր և վիրավորներ չեն գրանցվել: