«Գարո Փայլանը Հրանտ Դինքի գործի շարունակողն է դարձել». Հրանուշ Հակոբյան

Թուրքիայի քրդամետ Ժողովուրդների դեմոկրատական կուսակցության պատգամավոր Գարո Փայլանը Հրանտ Դինքի գործի շարունակողն է դարձել: Լրագրողների հետ ճեպազրույցում նման կարծիք հայտնեց  ՀՀ սփյուռքի նախարար Հրանուշ Հակոբյանը:

Նրա խոսքով` Թուրքիան 10 տարի անց էլ շարունակում է իր տաբուները, իր կարծրատիպերը, արգելում մարդկանց ազատ խոսքը: «Թուրք իշխանավորները պետք է հասկանան, որ Գարո Փալյանի կողքին է ողջ հայ ժողովուրդը, միջազգային հանրությունը, մտավորականները: Այսօր սպանելով Դինքին, նրանք կարծում էին, որ կսպանեն Հրանտ Դինքի  մտքերը, սակայն ծնվեցին հազարավոր Հրանտներ»,- ասաց նա:

Հրանուշ Հակոբյանի խոսքով`  Թուրքիայում բոլորն էլ խոսում են ցեղասպանության մասին, մասնակցում ապրիլի 24-ի հետ կապված ցույցերին: «Թուրքիայի իշխանություններին չի  հաջողվի լռեցնել այն մեծ եւ ահագնացող շարժումը` Հայոց ցեղասպանության ճանաչումը, որը նաեւ Դանիայի խորհրդարանում է քննարկվելու եւ շարունակական է լինելու այնքան, մինչեւ Թուրքիան կառերեւսվի իր իրականությանը»,- հավելեց սփյուռքի նախարարը:

 

Տեսանյութեր

Լրահոս