Մեդվեդևը կոչ է արել հույս չդնել պատժամիջոցների չեղարկման վրա
ՌԴ վարչապետ Դմիտրի Մեդվեդևը Ռուսաստանի կառավարության այսօրվա նիստում հայտարարել է երկրի տնտեսությունում բացասական գործոնների պահպանման մասին՝ միջազգային պատժամիջոցների ու էներգակիրների գների ոչ բարձր գների ֆոնին։
«Նախկին բացասական գործոնները՝ պատժամիջոցներն ու էներգակիրների գների ոչ բարձր գները դեռևս պահպանվում են և պետք չէ ոգևորվել՝ ամենայն հավանականությամբ, դրանք միջնաժամկետ հեռանկարում կպահպանվեն»,- ասել է Մեդվեդևը։
Նա նշել է, որ մոտակա ամիսներին Ռուսաստանը պետք է «անցում կատարի դեպի տնտեսության՝ արտաքին ռիսկերի ադապտացումից դեպի կայուն աճ»։
Մեդվեդևն ընդգծել է, որ անհրաժեշտ է «փորձել դրան հաղորդել դրական դինամիկա»՝ ի հեճուկս մնացած բացասական գործոնների։
«Մենք, ամեն դեպքում, կառաջնորդվենք պահպանողական կանխատեսմամբ»,- հավելել է նա։
