Անկարայում ձերբակալվել է այն ցուցադրության կազմակերպիչը, որտեղ սպանվել էր Անդրեյ Կառլովը

Թուրքիայի ոստիկանությունը Անկարայում ձերբակալել է այն ցուցադրության կազմակերպչին, որտեղ սպանվել էր Թուրքիայում ՌԴ դեսպան Անդրեյ Կառլովը, հայտնում է Hurriyet-ը։

Նշվում է, որ ստուգվում են նրա կապերը Կառլովին սպանողի հետ, որը հարձակումից մի քանի օր առաջ գնացել էր ցուցասրահ՝ հարձակմանը նախապատրաստվելու նպատակով։

Հիշեցնենք, որ Անդրեյ Կառլովը գնդակահարվել է դեկտեմբերի 19-ին Անկարայում թուրք ոստիկան Մևլյութ Մերթ Ալթընթաշի կողմից։