Հնդկաստանում դպրոցական ավտոբուսի վթարի հետևանքով 25 երեխա է զոհվել

Նվազագույնը 25 երեխա է զոհվել և 40-ն ստացել է վնասվածքներ Հնդկաստանի Ուտտար-Պրադեշ նահանգում բեռնատարի և ավտոբուսի բախման հետևանքով, հայտնում է India Samvad պարբերականը։

Վթարը տեղի է ունեցել Էտախ շրջանում։ Ավտոբուսը, որը երեխաներին դպրոց էր տեղափոխում, թանձր մառախուղի պայմաններում բախվել է կարտոֆիլ տեղափոխող բեռնատարին։

Ոստիկանությունը սկսել է հետաքննել կատարվածը։