Ֆրանսիայում երիտասարդն ապտակել է նախագահի թեկնածու Մանուել Վալսին
Ֆրանսիայում երկրի նախկին վարչապետ Մանուել Վալսը, որը հավակնում է երկրի նախագահի պաշտոնին, ապտակ է ստացել ընտրողների հետ հանդիպման ժամանակ, գրում են ֆրանսիական լրատվամիջոցները՝ հրապարակելով տեսանյութ։
Տեսանյութում երևում է, թե ինչպես է քաղաքական գործիչը դուրս գալիս Լամբալ քաղաքի քաղաքապետարանի շենքից և քայլում մարդկանց խմբի կողքով՝ սեղմելով նրանց ձեռքը։ Նրանց թվում է նաև անհայտ մի երիտասարդ, որը նախ՝ սեղմել է Վալսի ձեռքը, ապա նրան անսպասելիորեն ապտակել։
Անվտանգությունը հրել է երիտասարդին, այնուհետ նրան հանձնել է ոստիկանությանը։
2016թ. դեկտեմբերին Մանուել Վալսը լքել էր Ֆրանսիայի վարչապետի պաշտոնը՝ հանուն նախագահական աթոռի համար պայքարի։ Այդ պաշտոնում նշանակվել էր Բեռնար Կազնյովը, որն ավելի վաղ գլխավորում էր երկրի ներքին գործերի նախարարությունը։
