Ադրբեջանցի ականաձիգները մարզումներ են իրականացնում սահմանամերձ գոտում

Ադրբեջանական ԱՊԱ գործակալությունը, վկայակոչելով Ադրբեջանի պաշտպանության նախարարությանը, հայտնում է, որ ստուգվում է սահմանամերձ գոտում տեղակայված ականանետային ստորաբաժանումների մարտական պատրաստվածության աստիճանը։

Հաղորդվում է, որ CARDOM ինքնագնաց համալիրների 120 միլիմետրանոց ականանետային հաշվարկները ներգրավված են գործնական պարապմունքներում, որոնք անցկացվում են լեռնային-անտառային և հարթավայրային տեղանքում։

Նշվում է, որ մարզումների ժամանակ օգտագործվում են մարտական ականներ, անձնակազմը իրականացնում է թիրախների հայտնաբերման հանձնարարություններ։