Բաժիններ՝

Ամանորի գիշերը Ստամբուլում ահաբեկչություն իրականացրած ուզբեկ ահաբեկիչն ընդունել է մեղքը

Ստամբուլում Նոր տարվա գիշերը Retina գիշերային ակումբում հրաձգություն իրականացրած Ուզբեկստանի քաղաքացի Աբդուլգադիր Մաշարիպովը ընդունել է իր մեղքը։ Այս մասին, ինչպես հայտնում է Hürriyet Daily News-ը, հայտարարել է Ստամբուլի նահանգապետ Վասիպ Շահինը։

Քաղաքական գործչի խոսքով՝ հարձակման մեջ կասկածվողը ծնվել է 1983թ. Ուզբեկստանում։ Հետագայում նա պատրաստվել է արդեն Աֆղանստանում։
Մաշարիպովը ձերբակալվել էր երկուշաբթի երեկոյան Ստամբուլի Էսենյութ շրջանի շքեղ բնակարաններից մեկում, որտեղ այդ պահին գտնվել է որդու հետ։

Խուզարկության ժամանակ տղամարդը փորձել է թաքնվել մահճակալի տակ, հայտնում է պարբերականը։
Ինքնաձիգով զինված ահաբեկիչը գրոհել էր ակումբում գտնվող մարդկանց, որտեղ եղել էր ավելի քան 700 այցելու։

Չարագործի գործողությունների հետևանքով սպանվել էր 39 մարդ, ևս 69-ը վիրավորվել էր ու վնասվածքներ ստացել։

Reuters-ի տեղեկություններով՝ կատարվածի պատասխանատվությունն ստանձնել էր ԴԱԻՇ-ը։

Բաժիններ՝

Տեսանյութեր

Լրահոս