Թուրքիայում ձերբակալվել է ամանորյա գիշերը Ստամբուլում ահաբեկչություն իրականացրած ուզբեկ գրոհայինը
Թուրքիայի անվտանգության ծառայությունները ձերբակալել են Ստամբուլում Նոր տարվա գիշերը Retina գիշերային ակումբում հրաձգություն իրականացրած Ուզբեկստանի քաղաքացի Աբդուլգադիր Մաշարիպովին, հայտնում է թուրքակա NTV հեռուստաալիքը։
Իրավապահ մարմիններում հեռուստաալիքի տեղեկություններով՝ ահաբեկչի ձերբակալությունը տեղի է ունեցել երկուշաբթի երեկոյան Ստամբուլի Էսենյութ շրջանում։
Ինքնաձիգով զինված ահաբեկիչը գրոհել էր ակումբում գտնվող մարդկանց, որտեղ եղել էր ավելի քան 700 այցելու։ Չարագործի գործողությունների հետևանքով սպանվել էր 39 մարդ, ևս 69-ը վիրավորվել էր ու վնասվածքներ ստացել։
Reuters-ի տեղեկություններով՝ կատարվածի պատասխանատվությունն ստանձնել էր ԴԱԻՇ-ը։
https://www.youtube.com/watch?v=1RwyO4ytkdc
