Թուրքիայում գաղտնի հուղարկավորել են Անդրեյ Կառլովին սպանողին
Թուրքիայում ՌԴ դեսպան Անդրեյ Կառլովին սպանող Մևլյութ Մերթ Ալթընթաշը, որի մարմինը դիահերձարանից հրաժարվել էին վերցնել ազգականները, թաղվել է անանուն գերեզմանատանը, հայտնում է Anadolu գործակալությունը։
Դրա տեղեկություններով՝ հուղարկավորությունը իրականացվել է հունվարի 13-ին, երբ նրա ազգականները հրաժարվել են դիահերձարանից վերցնել նրա մարմինը։
Համաձայն թուրքական օրենսդրության՝ հարազատները կարող էին նրա մարմինը վերցնել 15 օրվա ընթացքում, սակայն դա չէին արել։ Թաղման մասին հաղորդագրությունը տարածվել է միայն այսօր։
Դեկտեմբերի 19-ին Մերթ Ալթընթաշը Անկարայում «Ռուսաստանը թուրքերի աչքերով» ցուցահանդեսին սպանել էր Թուրքիայում ՌԴ դեսպանին։
Հարձակվողին՝ ոստիկան Մերթ Ալթընթաշին, թուրք հատուկ ջոկատայինները տեղում ոչնչացրել էին։
