Չեխիայում փլուզվել է մարզահամալիրի տանիքը, կան վիրավորներ
Չեխիայի Չեսկա-Տրշեվովա քաղաքում մարզահամալիրի տանիքը փլուզվել է այն պահին, երբ անցկացվել է դեռահասների շրջանում ֆլորբոլի առաջնություն, հայտնում է CZnews.info-ն։
Երբ սկսվել է տանիքի փլուզումը, հարյուրավոր մարդիկ հասցրել են դուրս գալ շինությունից։ 2 մարդ թեթև վնասվածք է ստացել։
Ոստիկանությունը սկսել է դեպքի հետաքննությունը։
Ենթադրաբար, տանիքը չի դիմացել ձյան ծանրությանը շինարարության ժամանակ թույլ տրված սխալների հետևանքով։
Մարզահամալիրը վերջերս էր կառուցվել։
