Լիբիայի ափերի մոտ ավելի քան 100 ներգաղթյալ տեղափոխող նավ է խորտակվել
Լիբիայի ափերից մոտ 50 կմ հեռավորության վրա խորտակվել է ներգաղթյալներ տեղափոխող նավ, հայտնում է Ansa գործակալությունը:
Նավում գտնվել է 107 մարդ: Փրկարարները հայտնաբերել են 7 մարմին և 4 ողջ մնացած մարդու:
Աղետի գոտի է ուղարկվել մի քանի նավ, ինքնաթիռ ու ուղղաթիռ: Որոնումները բարդանում են եղանակային անբարենպաստ պայմանների պատճառով:
