«Թուրքիայի զորքերը չեն հեռանա Կիպրոսից». Էրդողան
Թուրքիայի նախագահ Ռեջեփ Էրդողանը դեմ է արտահայտվել Կիպրոսից թուրքական զորքերի դուրսբերմանը, հայտնում է թուրքական NTV հեռուստաալիքը։
«Հյուսիսային Կիպրոսը բանակցություններում ցուցաբերում է անկեղծ դիրքորոշում, սակայն Հունաստանը շարունակում է այլ սպասելիքներ ունենալ՝ համեմատած Թուրքիայի հետ՝ որպես երաշխավոր երկիր։ Անգամ խոսք լինել չի կարող այն մասին, որպեսզի թուրքական զորքերը լքեն Կիպրոսը»,- հայտարարել է նա։
Էրդողանն ընդգծել է, որ առանց Թուրքիայի մասնակցության Կիպրոսի անվտանգության երաշխիքների հարցը անհնար է համաձայնեցնել։
