Հրազդանի կիրճի Կորեայի ձորի հատվածում ավտոմեքենան արգելափակվել է ցեխակույտում

Հունվարի 13-ին, ժամը 01.53-ին տեղեկություն է ստացվել, որ Քաղսի-Հրազդան ավտոճանապարհին ավտոմեքենան արգելափակվել է ձյան մեջ. անհրաժեշտ է փրկարարների օգնությունը: Այս մասին հայտնում են ՀՀ արտակարգ իրավիճակների նախարարությունից։

Դեպքի վայր է մեկնել մեկ մարտական հաշվարկ: Փրկարարները Մ-4 ավտոճանապարհի Երևան-Սևան հատվածի 41-րդ կմ-ից արգելափակումից դուրս են բերել «Infiniti QX4» մակնիշի 34 ՏՏ 655 պետհամարանիշով (վարորդ՝ Հ. Վ.) ավտոմեքենան (1 ուղևոր):

Հունվարի 13-ին, ժամը 01.08-ին ահազանգ է ստացվել, որ Երևանի Հրազդանի կիրճի Կորեայի ձոր կոչվող հատվածում ավտոմեքենան արգելափակվել է ցեխակույտում. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները «Mitsubishi Outlander» մակնիշի 34 OF 802 պետհամարանիշով ավտոմեքենան (վարորդ՝ Ա. Հ.) դուրս են բերել արգելափակումից: