Չեչնիայում հայտնաբերվել է ԴԱԻՇ-ի ահաբեկիչների հետ կապված ցանց. աղբյուր
Չեչնիայի իրավապահները զանգվածային հատուկ օպերացիայի ընթացքում բացահայտել են բանդիտական խմբավորման ցանց, որի զինյալները կապեր են ունեցել ԴԱԻՇ-ի հետ, հայտնում է Interfax-ը՝ վկայակոչելով Հյուսիսկովկասյան դաշնային շրջանի ուժային կառույցներում աղբյուրին։
«Ձերբակալվել է մի քանի տասնյակ բանդիտ, ներառյալ՝ միջնորդները»,- հայտնել է նա։
Նրա խոսքով՝ ԴԱԻՇ-ի հետ սերտորեն կապված ողջ ցանցը բացահայտված է։ Նա հայտնել է, որ հատուկ գործողությունը անցկացվել է Կուրչալոևսկի շրջանում, ինչպես նաև Շալինսկի շրջանի մի քանի բնակավայրերում։
Ավելի վաղ Չեչնիայի ղեկավար Ռամզան Կադիրովը հայտնել էր 1 ոստիկանի սպանության մասին հատուկ գործողության ընթացքում։
