ՌԴ-ն ու Թուրքիան քննարկում են Աստանայում Սիրիայի հարցով բանակցությունների տեխնիկական դետալները

Ռուսաստանն ու Թուրքիան քննարկում են հունվարի 23-ին Աստանայում կայանալիք Սիրիայի հարցով բանակցությունների տեխնիկական դետալները, հայտնում է Anadolu գործակալությունը՝ վկայակոչելով դիվանագիտական աղբյուրներին։

Թուրքական կողմի ներկայացուցիչների տեղեկություններով՝ Ղազախստանի մայրաքաղաքում բանակցությունների նախապատրաստական աշխատանքն արագացել է Սիրիայում հրադադարի մասին պայմանավորվածությունների խախտումների թվի նվազման ֆոնին։

Հաղորդվում է, որ ռուսական պատվիրակությունը, որը նախօրեին Անկարա էր մեկնել կայանալիք բանակցությունների տեխնիկական դետալների քննարկման նպատակով, ուղևորվել է Մոսկվա։

Խորհրդատվությունները շարունակվելու են։