Մարիա Շարապովան կորտ կվերադառնա ապրիլի 26-ին
Ռուս թենիսիստուհի Մարիա Շարապովան, ով որակազրկվել է մելդոնիումի օգտագործման համար, կորտ կվերադառնա Շտուտգարտում: Մարզուհու մեկուսացումը կավարտվի ապրիլի 25-ին, և արդեն ապրիլի 26-ին Շարապովան առաջին շրջանի հանդիպում կանցկացնի, հաղորդում է Eurosport-ի մեկնաբան Վլադաս Տաշևը:
Մարիա Շարապովան դադարեցրել է ելույթները 2016թ. հունվարի 26-ից, երբ Australian Open-ի քառորդ եզրափակչում պարտվեց Սերենա Ուիլյամսին:
Ավելի վաղ Մարիան որակազրկվել էր 2 տարի ժամկետով՝ մելդոնիումի օգտագործման համար, սակայն պատժի ժամկետը կրճատվել է մինչև 15 ամիս:
Պատրաստեց Անի Գաբուզյանը
