Սինգապուրի բնակչուհին ութ տարի է՝ ապրում է օդանավակայանում
Սինգապուրի բնակչուհիներից մեկը ութ տարի շարունակ ապրել է տեղի միջազգային օդանավակայանում: Այս մասին հայտնել է Strait Times հրատարակությունը:
Ի տարբերություն սպասասրահի հարեւանների, որոնք այստեղ հայտնվել էին բնակարանի կամ փաստաթղթերի հետ կապված խնդիրների պատճառով, նա երեքսենյականոց բնակարան ունի քաղաքի հարեւան շրջանում:
2008 թվականի ֆինանսական ճգնաժամից հետո նա փողի պակաս է ունեցել եւ որոշել է դժվարին օրերն անցկացնել օդանավակայանում, բայց արդյունքում այնտեղ երկար տարիներ է մնացել: Կինն իր բնակարանը վարձով է տվել:
Նա վարժվել է օդանավակայանի հարմարություններին: Սպասասրահներում մշտապես աշխատում են օդափոխիչները, գործում են ֆուդ-կորտ եւ սուպերմարկետներ, կարելի է օգտվել ցնցուղից եւ անվճար Wi-Fi-ից: Նա պլանավորում է վաճառել բնակարանը, բայց առայժմ չի պատրաստվում հեռանալ օդանավակայանից:
Բացի նրանից, Սինգապուրի օդանավակայանում մշտապես ապրում Է շուրջ տասը մարդ:
