Թուրքիայի խորհրդարանն ընդունել է Սահմանադրության փոփոխությունները
Թուրքիայի Սահմանադրության փոփոխություններն առաջին ընթերցմամբ ընդունվել են երկրի խորհրդարանի կողմից, հայտնում են թուրքական ԶԼՄ-ները։
Դրանց վավերացման համար, համաձայն գործընթացի, անհրաժեշտ է երկրորդ քվեարկություն, որը պետք է տեղի ունենա առաջին քվեարկությունից հետո՝ 48 ժամվա ընթացքում։
Առաջին ընթերցման ժամանակ քվեարկել է 550 պատգամավորներից 480-ը։ Նրանցից 338-ը «կողմ» է արտահայտվել, 134-ը՝ «դեմ», 8 պատգամավոր «ձեռնպահ» է մնացել։
Եթե փոփոխությունները վավերացվեն, Սահմանադրության փոփոխության հարցով հանրաքվեն կարող է տեղի ունենալ ընթացիկ տարվա ապրիլին։
