Թեհրանում հարյուր հազարավոր մարդիկ վերջին հրաժեշտ են տալիս Իրանի նախկին նախագահին
Այսօր Թեհրանի համալսարանում տեղի է ունենում Իրանի նախկին նախագահ Ալի Աքբար Հաշեմի Ռաֆսանջանիի հրաժեշտի արարողությունը։
Ինչպես հայտնում է TASS-ը, քաղաքական գործչին վերջին հրաժեշտը տալու են եկել հարյուր հազարավոր մարդիկ։ Մարդկանցով լի է ոչ միայն բուհի տարածքը, այլև հարակից փողոցները։
Հիշեցնենք, որ Ալի Աքբար Հաշեմի Ռաֆսանջանին մահացել էր կիրակի օրը հիվանդանոցում։
Ռաֆսանջանին եղել է Իրանի նախագահը 1989-1997թթ.:
Վերջին շրջանում նա Իրանի հոգևոր առաջնորդ Ալի Խամենեին կից գործող խորհրդատվական մարմնի՝ Նպատակահարմարության խորհրդի նախագահն էր:
Քաղաքական գործիչը 82 տարեկան էր:
