Ադրբեջանը դեռ մտադիր չէ անդամակցել Իսլամական ռազմական դաշինքին․ ԱԳՆ
Ադրբեջանի կողմից Իսլամական ռազմական դաշինքին անդամակցելու հարցը դեռևս ծառացած չէ Ադրբեջանի արտաքին քաղաքական օրակարգում։ Ինչպես հայտնում է RIA Novosti-ն, այս մասին այսօր հայտարարել է Ադրբեջանի ԱԳՆ պաշտոնական ներկայացուցիչ Հիքմեթ Հաջիևը։
Ավելի վաղ ադրբեջանական APA գործակալությունը հայտնել էր, թե Ադրբեջանը որոշում է կայացրել անդամակցել Իսլամական ռազմական դաշինքին։
«Ադրբեջանի արտաքին քաղաքականության օրակարգում դեռ քննարկման թեմա չէ այդ կազմակերպությանն անդամակցության հարցը։ Իսլամական համագործակցության կազմակերպության շրջանակներում տարբեր կարծիքներ են հնչել այդ առնչությամբ։ Ինչ-որ առաջարկության դեպքում ադրբեջանական կողմը մանրամասն կվերլուծի այն»,- ասել է Հաջիևը։
