ՄԱԿ-ը փոխել է Մերձբալթյան երկրների կարգավիճակը
ՄԱԿ-ը փոխել է Բալթյան երկրների՝ Էստոնիա, Լատվիա, Լիտվա, երկրների կարգավիճակը՝ Արևելյան Եվրոպայի երկրներից դասելով Հյուսիսային Եվրոպայի պետությունների թվին։
Այդ մասին հայտնել է լատվիացի քաղաքական գործիչ, Եվրախորհրդարանի պատգամավոր Արտիս Պաբրիքսը Twitter-ում։
«ՄԱԿ-ը պաշտոնապես փոխում է Մերձբալթյան երկրների կարգավիճակը՝ Արևելյան Եվրոպայից դարձնելով Հյուսիսային Եվրոպա։ Դա հենց այն է, ինչին մենք պատկանում ենք»,- գրել է նա։
Ներկայումս, ըստ ՄԱԿ-ի դասակարգման, Արևելյան Եվրոպայի երկրների թվին դասվում են Բելառուսը, Բուլղարիան, Չեխիան, Հունգարիան, Լեհաստանը, Մոլդովան, Ռումինիան, Ռուսաստանը, Սլովակիան ու Ուկրաինան։
Այսուհետ Հյուսիսային Եվրոպայի երկրներ են համարվելու Մեծ Բրիտանիան, Դանիան, Իսլանդիան, Նորվեգիան, Ֆինլանդիան, Շվեդիան և Մերձբալթյան երկրները։
