Երևանի Բակունց փողոցի բնակարաններից մեկում դի է հայտնաբերվել
Դեկտեմբերի 31-ին, ժամը 16.00-ին ահազանգ է ստացվել, որ Երևանի Բակունցի փողոցի թիվ 3 շենքի բնակարաններից մեկի տարեց բնակիչը չի արձագանքում դռան թակոցներին. անհրաժեշտ է փրկարարների օգնությունը: Այս մասին հայտնում են ՀՀ արտակարգ իրավիճակների նախարարությունից:
Դեպքի վայր է մեկնել մեկ մարտական հաշվարկ: Փրկարարները բացել են բնակարանի դուռը և միջանցքի հատակին հայտնաբերել 1926 թ. ծնված Ա. Ա.-ի դին:
