«Սիրիայում հակամարտող կողմերի միջև հրադադարի և խաղաղ բանակցությունների մասին համաձայնություն է ձեռք բերվել»․ Պուտին
ՌԴ նախագահ Վլադիմիր Պուտինը հայտարարել է, որ Սիրիայում հակամարտող կողմերի միջև հրադադարի և խաղաղ բանակցություններ սկսելու մասին պայմանավորվածություն է ձեռք բերվել։ Այս մասին հայտնում է TASS-ը։
«Հենց նոր հաղորդագրություն ստացա այն մասին, որ այսօր՝ մի քանի ժամ առաջ, տեղի է ունեցել երկար սպասված իրադարձություն։ Երեք փաստաթուղթ է ստորագրվել։ Առաջինը ստորագրվել է Սիրիայի տարածքում Սիրիայի կառավարության և զինված ընդդիմության միջև կրակի դադարեցման մասին։ Երկրորդ փաստաթուղթը հրադադարի վերահսկողության համալիր միջոցառումներն են, երրորդը՝ սիրիական կարգավորման հարցով խաղաղ բանակցություններ սկսելը»,- ասել է Պուտինը ՌԴ ԱԳՆ և ՊՆ ղեկավարների հետ հանդիպմանը։
Նրա խոսքով՝ Սիրիայի հարցով պայմանավորվածությունները փխրուն են, այդ պատճառով էլ հատուկ ուշադրություն են պահանջում։
