Ֆիլիպինների նախագահը սպառնացել է կոռուպցիոներներին ցած նետել ուղղաթիռից
Ֆիլիպինների նախագահ Ռոդրիգո Դուերտեն խոստացել է «կոռումպացված ֆիլիպինցի պաշտոնյաներին ուղղաթիռից նետել Մանիլա տանող ճանապարհին», հայտնում է The Philippine Star-ը։
«Եթե դուք կոռումպացված եք, ես ձեզ կբարձրացնեմ ուղղաթիռն ու ցած կնետեմ Մանիլայի ճանապարհին։ Ես դա նախկինում էլ եմ արել ինչո՞ւ չեմ կարող դա հիմա անել»,- ասել է նա՝ ելույթ ունենալով Հարավային Կամարինես նահանգի շրջաններից մեկում։ Դուերտեն նշել է, որ կոռուպցիայի դեմ պայքարը հակաթմրանյութային արշավի հետ լինելու է առաջնային իր նախագահության ընթացքում։
