Տոկիոյում ուժեղ երկրաշարժ է տեղի ունեցել

Տոկիոյում և Ճապոնիայի մայրաքաղաքից հյուսիս-արևելք տեղի է ունեցել 6.3 մագնիտուդ ուժգնությամբ ուժեղ երկրաշարժ, հայտնել է ճապոնական հիդրոօթերևութաբանական գործակալությունը։

Երկրաշարժի էպիկենտրոնը գտնվում է Իբարակի պրեֆեկտուրայում, օջախը գտնվում է 10 կմ խորության վրա։ Տուժածների ու ավերածությունների մասին տվյալներ չկան։
Հիդրոօթերևութաբանների տվյալներով՝ ցունամիի առաջացման սպառնալիք չկա։