Վրաստանի ԱԳՆ ղեկավարը hուսով է՝ ԵՄ-ի հետ առանց վիզային ռեժիմը հնարավորինս արագ կսահմանվի
Վրաստանի ԱԳՆ ղեկավար Միխայիլ Ջանելիձեն տարեվերջյան մամուլի ասուլիսում հույս է հայտնել, որ ԵՄ-ի երկրների հետ վիզային ռեժիմի ազատականացման տեխնիկական պրոցեդուրաները մոտ ժամանակներս կավարտվեն, հայտնում է «Գրուզիա օնլայնը»։
«Հուսով եմ՝ մոտ ժամանակներս բոլոր արարողակարգային հարցերը կավարտվեն ու Վրաստանի քաղաքացիները կկարողանան առանց վիզայի այցելել ԵՄ երկրներ»,- ասել է Ջանելիձեն։
Նրա խոսքով՝ 1 տարում Վրաստանի համար առանց վիզային ռեժիմ սահմանելու հարցը քննարկվել է բոլոր միջազգային հարթակներում։
«Բոլորը ակնհայտ խոստովանում էին, որ Վրաստանը կստանա առանց վիզային ռեժիմ ԵՄ երկրների հետ»,- հավելել է Ջանելիձեն։
