Պեսկովը հայտնել է, թե Պուտինն ինչպես կանցկացնի ամանորյա արձակուրդը
ՌԴ նախագահ Վլադիմիր Պուտինի ամանորյա սեղանին, ամենայն հավանականությամբ, «համեստ ուտեստներ» կլինեն, որոնք նա նախընտրում է, ինչպես նաև արձակուրդի ժամանակ նա կստանա օպերատիվ տեղեկատվություն, կկատարի հեռախոսազանգեր ու ազատ ժամանակ կզբաղվի սպորտով, ասել է ՌԴ նախագահի մամուլի քարտուղար Դմիտրի Պեսկովը։
«Ես չգիտեմ, թե ինչ կլինի նախագահի Նոր տարվա սեղանին գիշերը։ Դուք գիտեք, որ նախագահը բավական համեստ է սննդի նախընտրությունների հարցում, ավելի քան համեստ է։ Նախընտրում է բացարձակ համեստ, առողջ սնունդ, բայց, թե կոնկրետ ինչ կլինի, չեմ կարող ասել, այնուամենայնիվ, դա նրա անձնական կյանքն է»,- ասել է Պեսկովը լրագրողներին։
Նա հիշեցրել է, որ Պուտինը լիարժեք հանգստյան օրեր չի ունենում, և ամանորյա արձակուրդների օրերին կկատարի հեռախոսազանգեր, կլսի ուժայինների ու մյուս գերատեսչությունների զեկույցները։
«Նա կստանա վերլուծական նյութեր»,- հավելել է Պեսկովը։
Նրա խոսքով՝ Պուտինը կօգտվի ազատ ժամանակից՝ զբաղվելու սիրած մարզաձևով։ «Նա և՛ հոկեյ է խաղում, և՛ լողում է։ Եվ դա անում է, երբ հնարավորություն է ընձեռվում, ամեն օր»,- հավելել է նա։
