Հրապարակվել է աղետի ենթարկված ինքնաթիռի երաժիշտներից մեկի վերջին՝ ինքնաթիռում արված լուսանկարը

Համացանցում հրապարակվել է Ալեքսանդրովի անվան անսամբլի արտիստներից մեկի վերջին լուսանկարը՝ արված «Տու-154» ինքնաթիռի աղետից առաջ։

Լուսանկարը հրապարակել է զոհված երաժիշտ Ալեքսանդր Շուտկոյի ընկերուհին, հայտնում է НТВ-ն։

«Իմ տղա… Իմ սեր… Իմ կյանք… Դու ամենալավն ես: Ես քեզ միշտ եմ ասել այդ մասին։ Թող հողը թեթև լինի», – գրել է Յուլյա Գալկինան:

Զոհվածի քույրը՝ Էմման, պատմել է Tverigrad.tv-ին, որ Ալեքսանդրն իրեն զանգահարել է Մերձմոսկվայի օդանավակայանի թռիչքից 15 րոպե առաջ և խոստացել է նորից զանգահարել Սոչի հասնելուն պես։

Ալեքսանդր Շուտկոն անսամբլի երգչախմբի անդամ էր։

Հիշեցնենք, որ Սոչիում երեկ կործանված ՌԴ ՊՆ-ին պատկանող «Տու-154» ինքնաթիռով Սիրիայի Լաթակիայի շրջան ուղևորվողների թվում էին Ալեքսանդրովի անվան երաժշտական անսամբլի 64 անդամները, այդ թվում՝ անսամբլի ղեկավար Վալերի Խալիլովը։