Նիգերիայի զինված ուժերը գրավել են «Բոկո հարամ» խմբավորման ճամբարներից մեկը
Նիգերիայի նախագահ Մուհամադ Բուհարին հայտնել է այն մասին, որ երկրի բանակը գրավել է Նիգերիայի հյուսիսարևելյան մասում գտնվող «Բոկո հարամ» ծայրահեղական խմբավորման կարևոր ճամբարներից մեկը:Այս մասին հայտնում է «Ռիա Նովոստի»-ն:
«Ինձ գլխավոր շտաբի պետը հայտնել է, որ ճամբարը գրավելուց հետո ահաբեկչները փախուստի են դիմել և այլևս թաքնվելու տեղ չունեն»,- նշել է Բուհարին: «Բոկո Հարամ»ը իսլամական ծայրահեղական խմբավորում է, որն իր ահաբեկչական գործունեությունը ծավալում է Նիգերիայում:
