Թուրքիայի նոր սահմանադրական փոփոխությունները վերցված են սիրիական սահմանադրությունից
Թուրքիայի գլխավոր ընդդիմադիր Ժողովրդահնարապետական կուսակցության (ԺՀԿ) Ստամբուլից ընտրված պատգամավոր Մահմութ Թանալի պնդմամբ` Թուրքիայի նոր սահմանադրական փոփոխությունները վերցված են սիրիական սահմանադրությունից:
Այս մասին, ինչպես հայտնում է թուրքական demokrathaber.orgը:
«Իշխող «Արդարություն եւ զարգացում» (ԱԶԿ ) եւ «Ազգայնական շարժում» (ԱՇԿ) կուսակցությունների կոնսենսուսի արդյունքում կազմված սահմանադրական փոփոխությունների առաջարկը վերցված է սիրիական սահմանադրությունից եւ ազգային ու տեղական սահմանադրություն չի կարող համարվել»,ասված է ԺՀԿական պատգամավորի հայտարարության մեջ:
Այս հայտարարությամբ Մահմութ Թանալը հանդես է եկել սահմանադրական հանձնաժողովի նիստում ունեցած ելույթի ժամանակ:
Թուրքիայի Ազգային մեծ ժողովի սահմանադրական հանձնաժողովն իշխող «Արդարություն և զարգացում» կուսակցության կողմից ներկայացված սահմանադրական փոփոխությունների առաջարկի քննարկումը սկսել է դեկտեմբերի 20ից:
Իշխող «Արդարություն և զարգացում» կուսակցությունը վերջին ընտրություններից հետո մեջլիսում ունի 317 պատգամավոր, սակայն քվեարկության ժամանակ ունի միայն 316 քվե, քանի որ մեջլիսի նախագահ, ԱԶԿական Իսմայիլ Քահրամանը զրկված է քվեարկելու
իրավունքից: Թուրքիայի մեջլիսում սահմանադրական փոփոխություններ անցկացնելու համար անհրաժեշտ է առնվազն 330 պատգամավորական մանդատ:
ԱՇԿ 40 պատգամավորների կողմ քվեարկելու պարագայում ԱԶԿն կկարողանա առաջարկն ընդունել մեջլիսում և Սահմանադրական փոփոխությունների հարցով հանրաքվե գումարել:
