Մոսկվայում մահացել է Իոսիֆ Ստալինի թոռը
Այսօր Մոսկվայի հիվանդանոցներից մեկում մահացել է Իոսիֆ Ստալինի թոռը՝ Եվգենի Ջուգաշվիլին, հայտնում է Life-ը։
Ստալինի թոռան մահվան մասին հայտնել է գործակալության զրուցակիցը։ Անցորդները շտապօգնություն էին հրավիրել, սակայն նրա կյանքը փրկել չէր հաջողվել։ Դեպքի վայր ժամանած բժիշկները արձանագրել էին նրա մահը։
«Եվգենի Ջուգաշվիլին մահացել է Մոսկվայի հյուսիս-արևելքում։ Նրան հայտնաբերել էին տան մոտ գտնվող փողոցում անգիտակից վիճակում»,- պատմել է Life-ին աղբյուրը։
80-ամյա թոշակառուի մահվան պատճառը ավելի ուշ հայտնի կդառնա։
Ջուգաշվիլին ծնվել է 1936թ. Ուրյուպինսկում։ Նա պատմական գիտությունների թեկնածու էր, ռազմական գիտությունների թեկնածու, պրոֆեսոր։
Նա 1990թ. մարմնավորել էր իր հորը «Յակով՝ Ստալինի որդին» ֆիլմում։
